Đoković pobjedom nad Čilićem “ovjerio” prvo mjesto

Objavljeno prije 1 mjesec

Najbolji teniser svijeta Novak Đoković ovjerio je prvo mjesto u grupi “Guga Kuerten” završnog Masters turnira pobjedom nad Hrvatom Marinom Čilićem sa 2:0 u setovima.

Prvi set je donio veliku borbu dva tenisera. Ni jedan od igrača nije uspio da oduzme servis protivniku pa je set otišao u taj-brejk. Tamo je Đoković bio uspješniji 9:7 i tako je došao do prednosti u setovima.

U drugom setu viđena je nešto drugačija situacija. Velika borba nastavljena je sve do petog gema kada Novak pravi prvi brejk na meču, a potom potvrđuje za 4:2.

Odmah potom pravi novi brejk, a onda i sigurno servira za novu pobjedu na završnom Mastersu u Londonu.

Đoković će se u polufinalu sastati sa Kevinom Andersonom koji je u grupi “Lleyton Hewitt” završio na drugom mjestu.