“Turska je priznala Kosovo, pa nisam čuo nijedan povišen ton”

Objavljeno prije 10 mjeseci

Predsjednik Nove stranke Zoran Živković ocijenio je da je želja Izetbegovića da BiH prizna Kosovo potpuno nebitna i da neće promijeniti status Kosova, niti odnos Srbije prema tom problemu, niti odnos Prištine prema Beogradu.

Živković je kazao da “dizanje galame i prašine” i hitna sjednica Savjeta za nacionalnu sigurnost predstavlja “još jednu operetsku predstavu Aleksandra Vučića kako bi se on ponovo pokazao kao spasilac Srbije”.

“Vrijeme je da se vratimo u nešto što ima smisla. Ako je izjava Izetbegovića tako opasna, onda je trebalo da bude slična reakcija i kada je Erdogan bio gost u Beogradu, jer je Turska, da obavijestim Vučića, priznala Kosovo, a BiH nije. Nisam čuo nijedan povišen ton, osim arlaukanja ministra inostranih poslova koji je pokušavao da nešto pjeva turskom predsjedniku”, kazao je Živković, objavila je Beta.